試過有學生上堂喊過:「我練左3個鐘啦,點解你話我彈得唔好」欣賞佢既付出,但練彈得好唔好,視乎是否練習正確,另一樣係The Plateau of Latent Potential。
「考試先溫書」、「比賽先練習」既人大有人在。於是將呢種學習模式套用彈琴上,但彈琴與學術係兩回事。到限期前先出力練,練極都達唔到成果,又覺得自己付出太多沒有成果就是「天份」問題。越彈越自我懷疑,越迷失越無興趣。
學術可以靠短暫記憶過關,臨急抱佛腳默書完可以暫時同詞語彈琴學記號、拍子、音符、手(腳)協調等, 每堂都要將知識累積,唔練習唔記得左其中一部分,歌曲就不能延續下去。持續+重覆練習就係將短期記憶轉換成長期記憶。
因此十分鼓勵初級就培養練琴習慣,入門較淺易+持續肯付出時間,係最容易見到效果。如果到2、3級打算考試時先練,一來難度、要求高左,需要付出時間較多。就算過到比賽/考試,好快會重現惰性,變成惡性循環。
有時收到查詢話學左好耐但連一首歌都彈唔到,問及與老師有否上足堂課+練習就開始支吾以對⋯認為少上一兩個星期,少練習唔係咁大件事⋯試過有同行要求一定要上足堂課,竟然被反問老師係咪好等錢洗?點解會咁貪錢?
如果唔求要進度+進步,上少啲堂、練得少又真係無所謂。有要求但又唔肯上足堂+練習,就唔好用無天份無興趣作為擋箭牌,長期停滯於Valley of disappointment 唔係無原因嫁!
Comments