ABRSM - Merit
恭喜Elise得到Merit!
Elise是我近年遇到較棘手既case之一
Elise學了幾年琴,但一直都進步不大,
不懂閱譜而且手指拍子等有好多問題,所以轉過黎學。
最初時也花了很多時間與家長溝通。
好多家長以為已學了一段時間,
只要執下練下好快就追到進度。
其實剛剛相反,學得越耐不正確的方法,
往往要執返需要更多時間。
幸好得到父母既理解,不介意從頭再來過。
後來Elise既學習態度及進度有顯著既進步,於是幫佢報考試。
但佢一直對考試很抗拒,進度又拖了下來。
尤其sight reading係佢最弱既一環,每次上堂彈都三推四請。
有一次我也為佢既進度著急,要訓示佢時,
想不到Elise很冷靜地回我:「以前學左好耐我一個音都彈唔出,今日可以彈出黎我已進步了很多了!」
對呀!你真的進步了很多,為何當時我看不到?
那天回家也好好反省對她是否有另一個更好教法呢。
考完後佢同我講sight reading一定唔合格,對考試既表現完全唔滿意。
最後你考了到Merit, sight reading亦合格以上了!
希望你從今次考試後可以擺脫以前既想法,
以後更有信心更愉快地彈琴吧!!