樂理
細心的人看到我很少post樂理成績或教學,
其實以前有一段時間有個機遇是專教學生樂理, 不過真係教到有恐懼症(淚)
也沒有想過要繼續向教樂理發展,
所以佢地一張分紙也沒有keep下來。
現在還在找我的人, 大多數是接近末期的吧XD (跟了很多老師及考了很多次都不合格)
不過我不是所有case都接, 要了解係咩既問題而作考慮,
畢竟教樂理需要月數較長, 比教琴更要費心,
如覺得沒有可能也不想浪費大家既時間及金錢。
至於我的學生平日上堂已經有教樂理,
考試只是跟一些比較需要時間解釋既題目及了解考試模式做past paper就可以了!
所以我會把他們轉到專業教導樂理的老師上,
一來我對佢地教法很有信心,
二來學生可以了解到不同老師有不同教法,
認識到學不同樂器既同學仔 , 視野擴闊之餘,
更可提升學習能力及音樂知識, 效果顯著很多。
不過並唔係所有學生都適合呢種方法,
有些需要私教, 有些適合班制, 有些適合自組,
會因學生能力分配比唔同老師。
初時家長都會帶點懷疑及不安,
明明跟琴老師學左咁多年,
點解琴老師唔親自跟樂理? 要安排一個不熟識子女既老師去教?
不過佢地上完第一堂, 就會明白點解我會有咁既安排。
相反會感謝我願意放手把他們給另一位老師教。
今次2個學生都暑假期間被我咁安排,
到考試前1, 2 堂再比我睇下卷,
最後成績都算不錯!!
樂理高唔高分對我黎講完全唔重要,
教左咁多年, 見過太多高分但無真正學到野既人實在太多。
亦係我比較抗拒收外來中高級生既原因。
針對高分既exam-oriented,係6級或以上既演奏就很快現形。
除了「知」之外, 「識」才是最重要喔!!